Semeıde mektep túlekteri 1 myńnan astam aǵash otyrǵyzdy
SEMEI. QazAqparat - Búgin semeılik túlekter óz oqý oryndarynyń aýmaǵynda tal ekti. Jalpy qala boıynsha 1 myńnan astam kóshet otyrǵyzyldy, dep habarlaıdy QazAqparat Semeı aqparattyq ortalyǵyna silteme jasap.
Halyqaralyq áýejaı mańaıynda tutas alleıa paıda boldy. Qala ákimi Ermak Sálimovtyń qatysýymen ashylǵan «Túlekter alleıasynda» barlyǵy 300 qylqan japyraqty aǵash boı kóterdi.
«Bul aktsııany óte mańyzdy kúnde ótkizip jatyrmyz. Aktsııany Qaraǵaıly shaǵyn aýdanynda ótkizgimiz kelgen, biraq ony áýejaı aýmaǵynda ótkizýdi uıǵardyq. Óıtkeni alys jáne jaqyn jerlerge oqýǵa baryp, týǵan qalaǵa oralǵanda : «Bul aǵashty men otyrǵyzdym!» dep esine alyp júretin bolady», - dedi qala əkimi Ermak Səlimov.
Aıta ketý kerek, bıyl Semeıde 1 071 túlek úshin sońǵy qońyraý soǵyldy. Olardyń 60-qa jýyǵy «Altyn belgige» úmitker. 55 túlek «Úzdik attestatqa» ıe bolady. Túlekterdi alda Ulttyq biryńǵaı testileý kútip tursa, kishi býyn oqýshylary jazǵy demalysqa daıyndalýda. Bilim bóliminiń málimetteri boıynsha osy jazda qala syrtyndaǵy lagerlerde 2 myńnan astam oqýshy demalyp, 1 746 bala mektep janyndaǵy lagerde tamaqtanýǵa múmkindik alady.
