Semeıde mektep oqýshysy kásipker atandy
ASTANA. QazAqparat - Semeıde mektep oqýshysy jıhaz jasaıtyn kásiporyn ashty. Bul týraly QR Bilim jáne ǵylym mınıstrligi baspasóz qyzmetinen málim boldy, dep habarlaıdy QazAqparat.
Qazaq ınnovatsııalyq gýmanıtarlyq-zań ýnıversıteti Semeı qalasynyń oqýshylary arasynda kásipkerlikti nasıhattaý úshin jyl saıyn «Startup Battle» atty konkýrs ótkizedi. №30 jalpy bilim beretin orta mekteptiń on birinshi synybynda oqyp júrgen semeılik Nadır Sabıtov konkýrstyń grantyn jeńip alyp, qańqasyz jıhaz jasaýdan óz bıznesin ashty.
«Qazaq ınnovatsııalyq gýmanıtarlyq-zań ýnıversıtetiniń bıznes-ınkýbatoryna qarasty «Fox» ortalyǵynyń trenıngterine qatysý kezinde marketıng, satý jáne dızaın týraly alǵan bilim maǵan Semeı naryǵyna kirýge kómektesti. Qazirgi tańda biz resýrstardy ózimizge tartyp, kásiporyndy damytý úshin ınvestıtsııalyq model jasaý ústindemiz», - dedi N. Sabıtov.
Onyń tsehy shyǵaratyn pýf-qaptarǵa degen suranys joǵary. Qazir jas kásipkerdiń qaramaǵynda úsh adam bar: eki tiginshi jáne kómekshi. Nadırdiń aıtýynsha, kóp uzamaı Óskemen men Pavlodar turǵyndary onyń ónimderin satyp ala alady. Sodan keıin jas kásipker Qazaqstan naryǵyn baǵyndyryp, TMD elderine shyǵýdy josparlap otyr.
Áleýmettik jelilerden alynǵan foto
