Semeıde mektep oqýshysyn soqqyǵa jyqqan jetkinshekterdiń ata-analary jaýapqa tartyldy

SEMEI. KAZINFORM – Abaı oblysynyń kámeletke tolmaǵandar isteri jónindegi mamandandyrylǵan aýdanaralyq soty mektep oqýshysyn soqqyǵa jyqqan jetkinshekterdiń ata-analaryna qatysty úkim shyǵardy.

Sot sheshimimen olar ata-analyq mindetterin tıisinshe oryndamaýynyń ákimshilik jazaǵa ákelip soǵýy baby boıynsha kináli dep tanyldy.

Ata-analardyń biri bes táýlikke ákimshilik qamaýǵa alyndy. Tórteýine 78 640 teńge mólsherinde aıyppul salyndy.

- Ata-analar balalarynyń minez-qulqyn, júris-turysyn durys qadaǵalamaǵan. Sot sheshim shyǵararda barlyq mán-jaıdy eskerdi, - dep habarlady sottyń baspasóz qyzmeti.

Eske salsaq, aqpan aıynda Semeıde jasóspirimder altynshy synyp oqýshysyn soqqyǵa jyqqany habarlanǵan. 

Zardap shekken balaǵa qazaqstandyqtar páter alyp bergen edi. 

Keıin Abaı oblysynyń kámeletke tolmaǵandar isteri jónindegi mamandandyrylǵan aýdanaralyq soty oqýshyny soqqyǵa jyqqan jasóspirimderdi arnaıy mektepterge jiberýge qatysty isti qaraǵan.