Semeıde mektep basshylyǵy jalǵyzbasty ákeden iri kólemde qarjy óndirmekshi boldy
ASTANA. QazAqparat - Semeıde orta mektep ákimshiligi úsh bala tárbıelep otyrǵan jalǵyzbasty ákeden janyp ketken mýltmedııalyq qurylǵyǵa keltirilgen materıaldyq zalal retinde 395 myń teńge talap etip, sotqa shaǵymdanǵan. Bul týraly YK-news.kz qalalyq sotqa silteme jasap habarlaıdy.
2013 jyly mektep ákimshiligi 11 jasar múgedek balany úıde oqytý úshin onyń ata-anasyna mýltımedıalyq jabdyq beredi. Er kisimen materıaldyq jaýapkershilikterdi tolyqtaı óz moınyna alatyny týraly kelisimshart jasalady. 2015 jyly úı órtke oranǵan kezde qurylǵy janyp ketedi. Mektep ókilderi 395 myń teńgeni talap etip, sotqa shaǵym túsiredi.
Qalalyq sot atap ótkendeı, materıaldyq jaýapkershilik týraly kelisimshart jumys berýshi men jumysshy arasyndaǵy Eńbek kodeksi negizinde jasalǵan. Bul jaǵdaıda jaýapker mektep qyzmetkeri bolyp tabylmaıtyndyqtan, sáıkesinshe eńbek zańnamasyn qoldanýǵa bolmaıdy.
Sondaı-aq, sot er kisiniń órttiń bolǵanyna kináli emes dep tanyp, talapty qanaǵattandyrmady. Sot sheshimi ázirge zańdy kúshine engen joq.
