Semeıde máskeýlik rejısser rýmyndyq jazýshynyń spektaklin qoımaq
SEMEI. QazAqparat - Semeıdegi F. Dostoevskıı atyndaǵy teatr kezekti qoıylymǵa daıyndalýda. Bul joly kórermenge rýmyndyq jazýshy Mıhaıl Sebastıannyń «Bezymıannaıa zvezda» spektakli usynylady, dep habarlaıdy QazAqparat.
Teatrdyń ártisteri spektakldi qoıý úshin daıyndyqty bastap ketti. Belgili pesany máskeýlik «Sovremennık» teatrynyń rejısseri Oleg Plaksın qoıady. Ol kórermenge osy spektakldi usyný úshin arnaıy Semeıge kelgen.
Aıta ketý kerek, jergilikti kórermenge máskeýlik rejısser semeılik teatr sahnasynda qoıylǵan birqatar qoıylymdarymen tanymal.
Oleg Plaksınnyń sózinshe, atalmysh spektakl mahabbat, shyǵarmashylyq jáne jalǵyzdyq jaıly. «Árbir kórermen ózine tanys jaıtty kóre alady. Bastysy - ol mahabbat, tańdaý, kúndelikti qalyptasqan jaıttan shyǵýǵa degen qushtarlyq. Bizdiń spektakl fılmnen ózgeshelenedi. Biz bul jaǵdaıǵa basqa turǵyda qaraımyz», - deıdi rejısser.
Atap ótetin jaıt, keńestik kórermen Anastasııa Vertınskaıa men Igor Kostolevskıı basty keıipkerlerdi somdaǵan, pesa jelisi boıynsha túsirilgen fılimdi jaqsy biledi. Eger fılmde 30-shy jyldardaǵy Rýmynııadaǵy tragedııalyq oqıǵalar kórinis tapsa, rejısser Oleg Plaksınniń qoıylymynda adamnyń ishki alańdaýshylyǵyna mán berilgen.
Spektakl F. Dostoevskıı atyndaǵy drama teatry sahnasynda 29-30 qyrkúıek kúni qoıylady.
