Semeıde mas jolaýshy taksı júrgizýshisin uryp-soǵyp, kóligin zaqymdady
SEMEI. QazAqparat - Semeı qalalyq sotynda moraldyq shyǵyndy óteý týraly azamattyq is qaraldy. Aqysyn tólegisi kelmegen jolaýshy taksı júrgizýshisin uryp-soqqan, dep habarlaıdy QazAqparat tilshisi Semeı qalalyq sotynyń baspasóz qyzmetine silteme jasap.
Talapker sotqa taksı júrgizýshisi bolyp jumys istep, jolaýshyny aıtqan jerine jetkizgenin, biraq ol eseptesýdi usynǵanda agressıvti túrde jaýap bergenin aıtyp, shaǵym túsirgen. Jolaýshy mas kúıinde júrgizýshini uryp-soǵyp, kóliktiń aldyńǵy áınegine tas laqtyrǵan.
Semeı qalalyq mamandandyrylǵan ákimshilik sotynyń úkimimen quqyq buzýshy aıypty dep tanylyp, 1 táýlikke qamaýǵa aldyndy.
Aldyn ala tyńdalym barysynda taraptar medıatsııa tártibine sáıkes daýdy retteý boıynsha, kelisim sharttaryna sáıkes sottalýshy 25 000 teńge tóleýge mindetteldi, al talapker moraldyq zalaldy óteý týraly talaptan bas tartty. Osy is boıynsha óndiris toqtady.
Sottyń úkimi zańdy kúshine engen joq.
