Semeıde mas kúıinde shomylǵan jigit Ertiske batyp ketti

SEMEI. QazAqparat - Semeı qalasynda er adam sýǵa batyp ketti, dep habarlaıdy QazAqparat TJD baspasóz qyzmetine silteme jasap.

Jazataıym oqıǵa Ertis ózeniniń jaǵalaýyndaǵy «Prıstan» qalalyq jaǵajaıynda bolǵan.

Kýágerlerdiń aıtýynsha, 1998 jyly týǵan er adam jaǵada demalyp, mas kúıinde shomylǵan.

Bir mezette kózden ǵaıyp bolǵan.

Dereý izdeý-qutqarý jumystary bastaldy.

Bir saǵat ishinde qutqarýshylar er adamnyń jansyz denesin tapty.

Іzdeý jumysyna jeke quramnan 4 adam jáne qaıyq jumyldyryldy.