Semeıde mas kúıde kópirdiń aspaly qurylymyna shyǵyp alǵan adam qutqaryldy
Abaı oblysy Tótenshe jaǵdaılar departamenti baspasóz qyzmetiniń málimetine súıensek, 3 shilde kúni túski ýaqytta «112» pýltine qalalyq Polıtsııa basqarmasynyń kezekshisi er adamnyń kópirdiń aspaly qurylymyna shyǵyp alǵanyn habarlady. Oqıǵa ornyna departament psıhology men qutqarýshylar dereý kelip jetti.
Qutqarýshylar kelgennen keıin 2001 jyly týǵan er adamnyń mas kúıde kópirdiń aspaly qurylymyna shyqqanyn kórdi. Ol tómen túsýge kóndirgen TJD qyzmetkerlerine jaýap bermedi.
«Qutqarýshylar alpınıstik jabdyqtyń kómegimen aspaly kópirdiń tiregine kóterilip, er adamǵa jetip, ony qaýipsiz jerge túsirdi. Osy ýaqytta azamatty psıholog áńgimege tartyp, psıhologııalyq kómek kórsetti. Qutqarý operatsııasy kezinde er adam zardap shekken joq», - delingen aqparatta.
Foto - Abaı oblystyq TJD
