Semeıde mas adam kóshede oqýshy qyzǵa tap bergen

  Semeı qalasynda kóshede oqýshy qyzǵa tap bergen er adamǵa qatysty is qozǵaldy, dep habarlaıdy Kazinform.

Abaı oblysy Polıtsııa departamentiniń málimetine súıensek, oqıǵa 7 jeltoqsan kúni bolǵan. Ýchaskelik polıtsııa ınspektory Rymǵalı Jıbraev kóshede qyzdyń aıqaıyn estip qalyp, lezde áreket etti. 

Aýa raıy kóshe oıyndary úshin múldem qolaısyz bolyp turǵanyn eskergen polıtseı balaǵa qandaı da bir qaýip tónip turǵanyn túsindi. Aıqaı shyqqan jerge barǵan tártip saqshysy kishkentaı qyzdy qolynda ustap turǵan adamdy kórdi. Dereý kómekke kelgen polıtsııa qyzmetkeri onyń janynda bolatynyn jáne esh renjitpeıtinin túsindirdi.

«Qyzǵa kómek kórsetildi. Onyń janynda bolǵan belgisiz er adamdy polıtsııa pýnktine apardym», - deıdi ýchaskelik polıtseı. 

Balanyń Semeı qalasyndaǵy mektepterdiń birinde 6-synypta oqıtyny belgili boldy. Qaraǵaıly shaǵyn aýdanyndaǵy úılerdiń janynan ótip bara jatqanda oǵan bógde er adam shabýyl jasaǵan. 

«Júrgizilgen medıtsınalyq kýálandyrýǵa sáıkes, ustalǵan er adam «ortasha dárejedegi» mas kúıde bolǵan. Polıtsııa leıtenanty Rymǵalı Jıbraevtiń ýaqtyly áreket etýiniń arqasynda bala zardap shekken joq jáne ata-anasyna tapsyryldy. Qazirgi ýaqytta sotqa deıingi tergeý amaldary bastaldy», - delingen aqparatta.