Semeıde mamandandyrylǵan HQKO ashyldy
SEMEI. QazAqparat - Semeıde mamandandyrylǵan halyqqa qyzmet kórsetý ortalyǵy ashyldy, dep habarlaıdy QazAqparat.
Endi kólik júrgizýshileri avtokólikti tirkeý, júrgizýshi kýáligin alýǵa qatysty barlyq memlekettik qyzmetterdi osy ortalyqtan ala alady. Munda azamattar eki saǵattyń ishinde qajetti qujattaryn rásimdep, jumystaryn bitire alady. Elektrondy baqylaý júıesi qosylǵan HQKO tolyq avtomattandyrylǵan. Sonymen qatar munda júrgizýshi kýáligin alý úshin arnaıy medıtsınalyq tekserýden ótýge jáne kýálik synaqty osy jerden tapsyrýǵa bolady.
Mundaı mamandandyrylǵan ortalyq Shyǵys Qazaqstan oblysynda alǵash ret Semeıde ashylyp otyr. Osyndaı ekinshi ortalyqty bolashaqta Óskemen qalasynda iske qosý josparlanǵan.
«Ortalyq QR Іshki ister Mınıstrliginiń 2015 jyly 14 sáýirdegi № 341 buıryǵyna sáıkes ashylyp otyr. Ortalyq qyzmet túrlerin jyldam rásimdep alýǵa múmkindik beredi. ıAǵnı, bir tereze qaǵıdasy boıynsha júrgizýshiler barlyq jumysyn osy ortalyqtan bitire alady. Mundaı ortalyqtar Qazaqstannyń basqa qalalarynda burynnan jumys isteıdi. Bul óte qolaıly. Sebebi, ýaqyt únemdeledi»,-deıdi mamandandyrylǵan HQKO qujattardy qabyldaý boıynsha mamany Olesıa Abramenko.
