Semeıde lombard qyzmetkeri 4 mln teńgeniń altyn buıymdaryn jymqyrǵan
SEMEI. QazAqparat – Semeı qalasynda tártip saqshylary altyn buıymdardy qoldy qylǵan lombard qyzmetkerine qatysty qylmystyq is qozǵady, dep habarlaıdy QazAqparat.
Áýezov polıtsııa bólimine habarlasqan lombard dırektory 4 mln teńgeniń zergerlik buıymdary joǵalǵanyn aıtqan. Jedel-izdestirý sharalaryn júrgizgen polıtsııa qyzmetkerleri sol jerde jumys isteıtin 21 jastaǵy qyzdyń urlyq jasaǵanyn anyqtady.
«Belgili bolǵandaı, zergerlik buıymdardy baǵalaýshy 5 aı boıy jymqyrylǵan altyndardy qurbysynyń atynan basqa lombardqa ótkizip otyrǵan. Osyǵan oraı QR Qylmystyq kodeksiniń 188-baby 3-bóligi boıynsha sotqa deıingi tergeý amaldary júrgizilýde», - dep habarlady ShQO Polıtsııa departamentiniń baspasóz qyzmetinen.
