Semeıde Land Cruiser qaqqan jaıaý adam oqıǵa ornynda kóz jumdy
SEMEI. KAZINFORM — Abaı oblysynda jaıaý júrginshini qaǵyp ketken Toyota júrgizýshisi ustalyp, sotqa deıingi tergeý bastaldy.
23 qyrkúıek kúni Toyota Land Cruiser 200 markaly avtokóliginiń júrgizýshisi Boztaev kóshesimen Selevın kóshesine qaraı kele jatyp, jaıaý júrginshiler jolaǵymen ótpek bolǵan qyzdy qaǵyp ketti.
Boıjetken oqıǵa ornynda kóz jumdy.
«Atalǵan fakti boıynsha kólik quraldaryn basqarý nemese paıdalaný erejelerin buzý, abaısyzda adam ólimine ákep soqtyrǵan qylmys faktisimen sotqa deıingi tergeý bastaldy» dep habarlady jergilikti polıtsııa qyzmeti.
Tergeý barysy Abaı oblysy polıtsııa departamenti basshylyǵynyń baqylaýynda.
