Semeıde qyzmetkerin 200 myń teńge para berýge ıtermelegen stansa basshysy sottaldy

NUR-SULTAN. QazAqparat – Shyǵys Qazaqstan oblysynda Jańǵyztóbe stantsııasynyń basshysy qaramaǵyndaǵy adamdy jumystan bosatý úshin 200 myń teńge aldy dep aıyptaldy. Bul týraly QR Sybaılas jemqorlyqqa qarsy is-qımyl agenttigi 1-shi departamentiniń asa mańyzdy ister jónindegi tergeýshisi Danııar Bıgaıdarov málimdedi, dep habarlaıdy QazAqparat.

«QR Sybaılas jemqorlyqqa qarsy is-qımyl agenttiginiń ShQO departamenti «QTJ-Júk tasymaly» AQ fılıaly – Semeı bólimshesindegi Jańǵyztóbe stantsııasynyń basshysy K. I. Ismýrzınge qatysty QR Qylmystyq Kodeksiniń 28-baby, 4 bóligi jáne 367-baby, 2-bóligi boıynsha qylmystyq isti aıaqtady. K.I. Ismýrzın qaramaǵyndaǵy temirjol stantsııasyndaǵy kezekshi E. K. Esenbaevty jumystan bosatý týraly oń sheshim qabyldaý úshin ShQO kóliktik baqylaý ınspektsııasynyń laýazymdy adamdaryna 200 000 teńge kóleminde qolma-qol para berýge ıtermelegen», - dedi D. Bıgaıdarov Facebook paraqshasynda ótken onlaın brıfıngte.

22 maýsymda Semeı qalalyq sotynyń úkimimen K. I. Ismýrzınniń QR Qylmystyq Kodeksiniń 28-baby, 4 bóligi jáne 367-baby, 2-bóligi boıynsha eki jylǵa bas bostandyǵy shekteldi jáne memlekettik qyzmette jumys isteý quqyǵynan aıyryldy.