Semeıde qutqarýshylar páterde qamalyp qalǵan balaǵa kómekke keldi
SEMEI. QazAqparat – Semeı qalasynda qutqarýshylar páterde qamalyp qalǵan balaǵa kómekke keldi, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, Sorokın kóshesindegi kópqabatty úıdiń páterinde qarshadaı bala ishteı qulyptaýly qalǵan.
«Jedel qutqarý jasaǵynyń qyzmetkerleri páterge baspaldaqpen 2-shi qabattyń terezesi arqyly kirip, esikti ishinen ashty. Balanyń densaýlyǵyna eshqandaı qaýip tónip turǵan joq. Mundaı oqıǵalardyń jıileýine ata-analardyń búldirshinderdi qaraýsyz qaldyratyndyǵy sebep bolady», - dep habarlady vedomstvo ókilderi.
Osy rette, TJD qutqarýshylary óńir jurtshylyǵyna barynsha abaı bolýdy jáne balalaryn úıde jalǵyz qaldyrmaýdy eskertti. Qandaı da bir qıyndyqqa tap bolǵan jaǵdaıda dereý «112» nómirine habarlasý qajet.
