Semeıde qutqarýshylar otqa oranǵan jer úıden 2 gaz ballonyn alyp shyqty
SEMEI. QazAqparat – Semeı qalasynda qutqarýshylar órtengen jer úıden 2 gaz ballonyn alyp shyqty, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, Semeıdegi Qostanaı kóshesinde ornalasqan jeke turǵyn úıde órt shyqqan. Órt sóndirýshiler oqıǵa ornyna shuǵyl jetti.
«Jalyn úı shatyrynyń aǵash qurylymdary men janamalaı salynǵan sharýashylyq qora-jaıdy sharpydy. Órt sóndirýshiler janyp jatqan bólmeden 2 gaz ballonyn shyǵaryp úlgergen. Kóp uzamaı órt tolyqtaı sóndirildi. Qyzyl jalynnyń jalpy aýdany 35 sharshy metrdi quraǵan», - dep habarlady vedomstvo ókilderi.
Aldyn ala málimet boıynsha órttiń shyǵýyna – otty abaısyz paıdalaný sebep bolýy múmkin.
