Semeıde qutqarýshylar órtengen úıden 3 gaz ballonyn shyǵaryp úlgerdi
ÓSKEMEN. QazAqparat – Semeı qalasynda qutqarýshylar órtengen úıden 3 gaz ballonyn syrtqa shyǵaryp úlgerdi, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, 27 qańtarda Sılıkatnyı kentindegi jer úıde órt shyqqan. Oqıǵa ornyna birden órt sóndirýshiler attandy. Jalpy aýdany 7 sharshy metrge jetken jalyn qonaq bólmedegi jeke zattar men jıhazdy sharpyǵan.
Tilsiz jaýdy aýyzdyqtaý barysynda №12 órt sóndirý bóliminiń qyzmetkerleri Erlan Seıtenov, Dáýren Oralǵazyuly jáne Manat Kýsheev 1960 jylǵy turǵyndy qutqardy. Sondaı-aq úıden 27 lıtrlik 3 gaz ballony syrtqa shyǵaryldy», - dep habarlady vedomstvo ókilderi.
Aldyn ala málimet boıynsha órttiń shyǵýyna – elektr jabdyqtarynyń apattyq jaǵdaıda bolýy nemese otpen abaısyz áreket etý sebep bolýy múmkin.
