Semeıde qutqarýshylar 92 jastaǵy keıýanaǵa kómektesti
SEMEI. QazAqparat – Semeı qalasynyń qutqarýshylary 92 jastaǵy keıýanaǵa kómektesti, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, «112» nómirine Ótepbaev kóshesinde turatyn qart kisiniń úıinde qulap qalyp, áleýmettik qyzmetkerge esikti asha almaı jatqandyǵy týraly habar túsken.
Qutqarýshylar lezde oqıǵa ornyna kelip jetti. Arqannyń jáne alpınıstik jabdyqtardyń kómegimen 7 qabattyń balkonynan tómendegi páterdiń balkonyna túsip, esikti ishten ashty. Úıde 1929 jylǵy zeınetker bolǵan.
«Semeı qalalyq TJB qyzmetkerleri keıýanany kóterip, dıvanǵa jatqyzdy. Odan keıin oǵan áleýmettik qyzmetker tıisti kómek kórsetti», - dep habarlady vedomstvo ókilderi.
