Semeıde qurdasyn óltirgen jasóspirim 7,5 jylǵa sottaldy

Semeıde kámeletke tolmaǵan jasóspirimge úkim shyqty, dep habarlaıdy QazAqparat abainewskz resýrsyna silteme jasap. 

Jantúrshigerlik oqıǵa 6 maýsymda «Murat» saıajaıynda bolǵan.

Belgili bolǵandaı, kámeletke tolmaǵan eki bala bolmashy máselege janjaldasyp, onyń biri qarsylasynyń moınyna pyshaq suǵyp jibergen.

Jaraqat alǵan jasóspirim sol kúni medıtsınalyq mekemede kóz jumady. 

18 qyrkúıekte Abaı oblysynyń qylmystyq ister jónindegi mamandandyrylǵan aýdanaralyq sotynyń úkimimen kámeletke tolmaǵan jas balaǵa adam óltirgeni úshin QK 99-babynyń 3-bóligine sáıkes 7 jyl 6 aıǵa bas bostandyǵynan aıyryldy.

Ol jazasyn kámeletke tolmaǵandardy ustaıtyn ortasha qaýipsiz mekemede óteıdi.