Semeıde quny 12 mlrd teńge bolatyn sport kesheni salynyp jatyr
ÓSKEMEN. QazAqparat - Semeı qalasynyń aýmaǵynan Qaraǵaıly atty jańa turǵyn aýdan boı kóterip keledi. Atalmysh aýmaqta quny 12 mlrd teńge bolatyn sport kesheni salynyp jatyr, dep habarlaıdy QazAqparat tilshisi.
5000 oryndyq «Abaı Arena» sport kesheni Qaraǵaılynyń eń kórnekti ǵımaraty bolady degen jospar bar. Oblys ákimi Danıal Ahmetov atalmysh nysannyń qurylysymen tanysyp, birqatar nusqaýlar berdi. Shahardaǵy ekinshi áýezdi sýburqaq atalmysh keshenniń janynan boı kótermek.
«Bul biregeı keshen qalanyń mádenı, sporttyq tynysyna jańa lep qosady. Bir jyldan keıin búkil semeılikter bos ýaqytyn ótkizý úshin osynda aǵylatyn bolady» - dedi Danıal Ahmetov.
Keshen qurysyna «Fırma «Azııa» jáne «Sát trans» JShS merdiger retinde tartylǵan. Sáýleti erekshe nysannyń jalpy aýdany 14000 sharshy metr bolady dep kútilýde. Barlyq standarttarǵa saı bolǵandyqtan, kez kelgen deńgeıdegi halyqaralyq jarystardy qabyldaıtyn bolady.
