Semeıde kóshelerdiń jaryqtandyrý júıesi jańǵyrtylady
ÓSKEMEN.QazAqparat - Semeıde kóshe jaryqtaryn jańartý jumystary júrgiziledi, dep habarlady Shyǵys Qazaqstan oblysy ákiminiń baspasóz hatshysy «QazAqparat» HAA tilshisine.
Semeıdiń jaryqtandyrý júıesi aıanyshty halde. Tipti qalanyń ortalyq kósheleri de keshki ýaqyttarda qarańǵy bolyp turady. Kóshelerdi jaryqtandyrýdy jańartý jobasy turǵyndardyń áldeqashan merzimi jetken máselesin sheshý maqsatynda ShQO ákimi Danıal Ahmetovtyń bastamasymen qolǵa alyndy. Ony Eýropanyń qaıta qurý jáne damý bankiniń esebinen úsh jyl ishinde júzege asyrý josparlanyp otyr. Jobany júzege asyrýǵa, daıyndyq jumystaryna shamamen bir jarym jyl ketedi. Sarapshylar qalanyń jaryqtandyrý júıesi jaǵdaıyn ábden zerttedi. Bastapqyda Semeıdiń 136 kóshesin elektrmen jabdyqtaý jaıly sóz boldy. Alaıda bul kórsetkish 159 kóshege arttyryldy.
