Semeıde kóshedegi kúshikti úsh ret basyp óltirgen kólik júrgizýshisi izdestirilýde
SEMEI. QazAqparat - «Mersedes» kóliginiń júrgizýshisi kúshikti qaǵyp ketip, tiri jatqan úı haıýanatyn sheginip kelip taǵy eki márte basyp óltirgen, dep habarlaıdy QazAqparat.
Oqıǵa 2 qańtar kúni Semeı qalasynda bolǵan. Bul týraly kýágerler áleýmettik jelilerge jazady.
«Ol adam qorǵansyz kúshikti qaǵyp ótti. Oqıǵa meniń kóz aldymda boldy. Júrgizýshi kúshikti qaǵyp ketip ary qaraı óz jónimen ketip qalǵan joq. Artqa sheginip kelip tiri jatqan kúshikti sanaly túrde basty, qaıtadan alǵa júrgen kezde úshinshi márte myjyp ótti. Eger artqa sheginbegende kishkentaı tirshilik ıesi aman qalar edi»,-dep jazady new_semey. instagram-pablıginiń qoldanýshysy.
«Atalǵan fakt QR sotqa deıingi tekserýdiń biryńǵaı reestrine tirkeledi. Polıtseıler tekserý jumystaryn júrgizedi. Eger fakti dáleldense, kináli júrgizýshi ákimshilik jaýapkershilikke tartylady»,-dedi Semeı qalalyq ІІB baspasóz qyzmetiniń jetekshisi Elýbek Ospanov.
