Semeıde kóshe ortasynda er adamnyń júregi toqtap qalǵan
SEMEI. QazAqparat - Semeıde kósheniń ortasynda kele jatqan er azamat kenet kóz jumdy, dep habarlaıdy QazAqparat.
Oqys oqıǵa 25 sáýir kúni keshki saǵat 17.00-de Chaıjúnisov kóshesi men Shákárim dańǵyly qıylysynda oryn aldy. «Aladdın» saýda úıiniń janynda kele jatqan er adam aıaq asty qulap, oqıǵa ornynda kóz jumǵan. Kýágerler dereý jedel járdem men polıtsııa qyzmetkerlerine habar bergen. Oqıǵa ornyna kelgen dárigerler júrek qyzmetiniń jiti jetispeýshiligi degen aldyn ala dıagnoz qoıǵan.
«Polıtsııa qyzmetkerleri azamattyń aty-jónin anyqtady. Ol - 1976 jyly týǵan qala turǵyny. Qazir sot medıtsınalyq saraptamalar taǵaıyndaldy. Qorytyndysy shyqqan soń azamattyń naqty neden qaıtys bolǵany belgili bolady», - dedi Semeı qalalyq ІІB Memlekettik til jáne aqparat bóliminiń jetekshisi Elýbek Ospanov.
