Semeıde kórý qabileti buzylǵandarǵa tegin taksı qyzmet etetin boldy
SEMEI. QazAqparat - Semeıde kózi nashar kóretin jandar endi «Invataksı» qyzmetine júgine alady. Osy ýaqytqa deıin bul múmkindik janarynan aıyrylǵan jandarǵa kóliktiń azdyǵynan qoljetimsiz bolyp kelgen edi, dep habarlaıdy QazAqparat.
Semeıde tirek - qımyl apparaty buzylǵan birinshi jáne ekinshi toptaǵy 2 myńnan astam múgedek turady. Al 700 den astamy arbaǵa tanylǵan. Olar úshin «Semeı aýmaqtyq múgedekter qoǵamy» qoǵamdyq birlestigi «Invataksı» qyzmetin usynady. Endi tegin taksı qyzmeti kózi nashar kóretinder jandar úshin de kórsetiletin boldy. Sebebi, qalada kórý qabiletinen aıyrylǵan 90-ǵa jýyq adam turady.
«Semeı aýmaqtyq múgedekter qoǵamy» qoǵamdyq birlestiginde mamandyrylǵan 3 kólik qarastyrylǵan. Alaıda kórý qyzmeti buzylǵan turǵyndar úshin tegin kólik qyzmeti qoljetimsiz bolǵan edi. Osy máseleni sheshý maqsatynda qalalyq bıýdjet esebinen eki avtokólik satyp alynyp, paıdalanýǵa berildi.
«Tapsyrystar 1 kún buryn alynady. Bir kólik kúnine 6 tapsyrysqa deıin qabyldaıdy. Kózi nashar kóretinder úshin tegin kólik qyzmeti bolmaǵan. Biraq másele sheshildi deýge bolady. Osy aıdyń sońyna deıin taǵy bir kólik paıdalanýǵa beriledi»,-dedi «Invataksı» qyzmetiniń dıspetcheri Tolqyn Ismaǵulova.
