Semeıde koronavırýs juqtyrǵan naýqastardyń biri - 3 jasar bala
ÓSKEMEN. QazAqparat – QazAqparat – Sońǵy málimetterge sáıkes, elimizde juqpaly indetke shaldyqqandar sany 3205-ke jetti. Onyń ishinde Shyǵys Qazaqstan oblysynda jańadan 3 jaǵdaı tirkeldi, dep habarlaıdy QazAqparat tilshisi.
ShQO ákimi baspasóz qyzmetiniń málimetine súıensek, Semeı qalasynda COVID-19 vırýsyn juqtyrǵan 3 adam 28 sáýir kúni qaýipti dertke shaldyqqan 1952 jylǵy áıelmen úı oshaǵynda jaqyn baılanysta bolǵan.
«Onyń ishinde 2017 jyly týǵan bala bar. Qalǵan eki naýqas - 1988 jylǵy áıel jáne 1989 jylǵy er adam. Qazirgi ýaqytta olar ınfektsııalyq statsıonarǵa oqshaýlanyp, tıisti em qabyldaýda. Jaǵdaılary ortasha. Naýqastar oblystan tys jerlerge, basqa elderge shyqpaǵan. Qazirde baılanysta bolǵan azamattardy anyqtaý jáne oqshaýlaý boıynsha epıdemıologııalyq tekserý júrgizilýde», - dep habarlady ákimdikten. ⠀
Aıta keteıik, jalpy ShQO boıynsha koronavırýs juqtyrýdyń 20 faktisi tirkelgen.
