Semeıde kópqabatty úıdiń syrtqy qaptamasy opyrylyp tústi

SEMEI. QazAqparat – Semeı qalasynda kópqabatty jańa úıdiń syrtqy qaptamasy opyrylyp túsken, dep habarlaıdy QazAqparat tilshisi.

Semeıdegi Qaraǵaıly kóshesinde ornalasqan kópqabatty úıdiń syrtqy qaptamasy buzylyp, túsip jatyr. Osyǵan oraı qala ákimdigi tıisti shara qabyldaýda.

«Atalǵan kóshedegi 22-shi úı qasbetiniń opyrylýyna baılanysty shahar ákiminiń tapsyrmasymen akkredıttelgen arnaıy uıym ǵımarattyń tehnıkalyq jaǵdaıyn zerttedi. Sonyń nátıjeleri boıynsha sylaq qabaty materıaldarynyń árkelkiligine baılanysty osyndaı jaǵdaıdyń bolǵany anyqtalǵan. Sondaı-aq turǵyn úıdiń syrtyn árleý jumystary jobadan aýytqyǵan», - delingen ákimdiktiń baspasóz qyzmeti taratqan aqparatta.

Qazirgi ýaqytta opyrylǵan syrtqy qaptamany qalypqa keltirý máselesi sheshilýde.