Semeıde kópqabatty úıden órt shyǵyp, turǵyndar evakýatsııalandy
SEMEI. QazAqparat – Semeı qalasynda kópqabatty úıden órt shyǵyp, turǵyndar evakýatsııalandy, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, Semeıdegi Bógembaıuly kóshesinde ornalasqan 9 qabatty turǵyn úıden órt shyqty.
«Oqıǵa ornyna órt sóndirýshiler shuǵyl kelip jetti. Páterdiń kireberisinde dáliz jáne jıhaz janyp jatqan. Gaz-tútinnen qorǵaý qyzmeti kók tútinge oranǵan podezden 4 turǵyndy, onyń ishinde 2 balany evakýatsııalady. Qutqarýshylar azamattardy jyly «Vahta» avtokóligine ornalastyrdy», - delingen aqparatta.
Kóp uzamaı qyzyl jalyn sóndirildi. Tilsiz jaýdy óshirýge jeke quramnan 21 adam jáne 6 tehnıka jumyldyryldy. Qazirgi ýaqytta órttiń shyǵý sebebi anyqtalýda.
