Semeıde kópqabatty úıden órt shyǵyp, 40 adam evakýatsııalandy
Qalalyq Tótenshe jaǵdaılar basqarmasy baspasóz qyzmetiniń málimetine súıensek, búgin saǵat 13:34-te órt sóndirýshilerge Shákárim dańǵylyndaǵy onqabatty úıden órt shyqqany týraly habar túsken. Anyqtalǵandaı, 4-shi qabattaǵy páterde aǵash jıhazdar men úı ıeleriniń jeke zattaryn qyzyl jalyn sharpyǵan. Órt sharpyǵan jalpy aýmaq 12 sharshy metrdi qurady.
«Órt sóndirýshiler tilsiz jaýdy aýyzdyqtaý barysynda 1992 jylǵy er adamdy qutqardy. Oqıǵa ornyna jedel járdem kelgenge deıin oǵan alǵashqy medıtsınalyq kómek kórsetildi. Kómirqyshqyl gazyna ýlanǵan jigit aýyr hálde jansaqtaý bólimine jetkizildi. Kópqabatty úıden 40 adam evakýatsııalandy, onyń ishinde 9 bala bar», - dep habarlady vedomstvo ókilderi.
Qyzyl jalyndy sóndirýge 5 avtotsısterna men jeke quramnan 30 órt sóndirýshi jumyldyrylǵan. Órttiń shyǵý sebebi – otty abaısyz paıdalanýdan nemese mas kúıde temeki shegýden bolýy múmkin.
