Semeıde kópqabatty úıde lıft qulap, 6 adam aýrýhanaǵa tústi

SEMEI. KAZINFORM - Semeı qalasynda kópqabatty úıde lıft qulap, 6 adam zardap shekti.

Oqıǵa 8 mamyrda tús kezinde bolǵan.

- Saǵat 11.40 shamasynda Áýezov dańǵyly, 3 mekenjaıyndaǵy kópqabatty turǵyn úıdegi ekinshi kireberiste lıft shahtaǵa qulap ketken. Lıftke 6 adam kirgeni anyqtaldy. Ruqsat etilgen salmaqtan asyp ketý saldarynan lıft kabelderi úzilip ketken, - dep habarlady qala ákimdiginen.

Qazirgi ýaqytta zardap shekkender qaladaǵy jedel medıtsınalyq járdem aýrýhanasyna jetkizilgen. Olarǵa medıtsınalyq kómek kórsetilýde.

- Abyraı bolǵanda, oqıǵa saldarynan qaza bolǵan eshkim joq. Qylmystyq is qozǵalyp, tergeý júrgizilýde, - delingen aqparatta.