Semeıde kópqabatty úıde qulaǵan lıftide bolǵan adamdar kóz jumdy - feık
SEMEI. KAZINFORM - Semeı qalasynda kópqabatty úıde qulaǵan lıftide bolǵan adamdardyń kóz jumǵany jaıly jalǵan aqparat tarap jatyr.
Áýezov dańǵyly, 3 mekenjaıyndaǵy kópqabatty turǵyn úıdegi ekinshi kireberiste shahtaǵa qulaǵan lıftide barlyǵy 6 adam bolǵan. Qazirgi ýaqytta olar qaladaǵy jedel medıtsınalyq járdem aýrýhanasyna jatqyzyldy.
- Kópqabatty úıde lıft qulaý saldarynan adamdardyń jaraqattanýy faktisi boıynsha sotqa deıingi tergeý bastaldy. Lıftidegi adamdardyń kóz jumǵanyna qatysty WhatsApp chattarynda taratylatyn aqparat shyndyqqa janaspaıdy. Osy rette, halyqqa jalǵan aqparat taratqandardyń jaýapqa tartylatynyn eskertemiz jáne olardy tek resmı derekkózderge senýge shaqyramyz, - dep habarlady Abaı oblystyq polıtsııa departamentiniń baspasóz qyzmetinen.
Eske salsaq, osyǵan deıin Semeıde kópqabatty úıde lıft qulap, 6 adam aýrýhanaǵa túskeni habarlanǵan.