Semeıde kópirden sekirmek bolǵan azamatty qala turǵyny aman alyp qaldy
SEMEI. QazAqparat - Semeı qalasynda Jańa kópirden sekirmek bolǵan azamatty qala turǵyny aman alyp qaldy, dep habarlaıdy Altaınıýs tilshisi.
Saǵat túngi 10-00-der shamasynda qala turǵyndary polıtsııaǵa belgisiz azamattyń kópirden sekirmek bolyp turǵanyn habarlaǵan. Jaqyn mańdaǵy ekıpaj atalǵan mekenjaıǵa jetkende, kópir shetinde turǵan azamatpen áldebir jas jigittiń sóılesip turǵanyn kóredi. (Keıinirek ol turǵynnyń aty - Orazaly ekeni anyqtalǵan).
Tártip saqshylary áńgimege aralasyp, aqymaqtyq jasaýǵa shaq qalǵan jigitke qol ushyn sozbaq bolady. Alaıda sekirýge bel sheshken jigit olarmen sóıleskisi kelmeıtinin aıtyp, «jaqyndamańdar, áıpese sekiremin» dep qorqytqan. Biraq Orazalymen sóılese beredi. Kópir shetindegi azamatqa meıilinshe jaqyndaı túsken Orazaly shap berip qolynan ustap úlgergen eken. Osy sátte qarap turǵan polıtsııa qyzmetkerleri de kelip, kómektep júrip jigitti aman alyp qalady.
Qala turǵyny nelikten osyndaı áreketke barǵanyn túsindirýden bas tartty. Al Orazaly Semeıdegi medıtsınalyq ýnıversıtettiń stýdenti eken.
ShQO-nyń Polıtsııa departamenti Orazalyny syı-sııapatpen madaqtaý jaǵyn qarastyryp jatyr.
