Semeıde kópirden sekirgen əıeldi qutqarǵan polıtseı marapattaldy
SEMEI. QazAqparat - Semeıde kópirden sekirgen áıeldi qutqarǵan polıtseı marapattaldy, dep habarlaıdy QazAqparat tilshisi.
Іshki ister mınıstriniń buıryǵymen «Sýǵa batqandardy qutqarǵany úshin» medalimen polıtsııa kishi leıtenanty Aslan Begadılov jáne polıtsııa serjanty Tımýr Jumanbekov marapattaldy.
Medaldy ShQO polıtsııa departamentiniń bastyǵy Janarbek Baqtybaev tabys etti.
«Adamdy qutqarý kezinde óz qyzmetterin adal atqaryp, batyldyq tanytqan tártip saqshylaryna rızashylyǵynymdy bildiremin. Barlyq polıtsııa qyzmetkerlerin bolashaqta ózderiniń qyzmettik mindetterin adal atqarýǵa shaqyramyn»,-dedi Janarbek Baqtybaev.
Eske sala keteıik 27 sáýir kúni qoǵamdyq tártipti saqtaý baǵytynda «Barys 11» ekıpajynyń quramynda kezekshilikte júrgen PPB qyzmet ınspektory polıtsııa leıtenanty Aslan Begadılov kópirden sekirgen əıeldi qutqaryp qalǵan bolatyn.
Aslan Ertiske qulaǵan əıel adamdy ózenniń qatty aǵysyna qaramastan óz ómirin qaýipke tigip kómekke júgirgen.
