Semeıde kópirden sekirgen er adam mert boldy

SEMEI. QazAqparat – Semeı qalasynda kópirden sekirgen er adam mert boldy, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, 15 qarashada «102» jedel arnasyna Turlyhanov kóshesindegi aspaly kópirden er adamnyń sekirip ketkeni týraly habar tústi.

«Atalǵan fakti boıynsha Semeı qalalyq Polıtsııa basqarmasynyń polıtsııa qyzmetkerleri QR Qylmystyq Kodeksiniń 105-baby 1-bóligine (ózin-ózi óltirýge deıin jetkizý) sáıkes sotqa deıingi tergeý amaldaryn júrgizip jatyr. Tıisti sot-medıtsınalyq saraptamalar taǵaıyndalǵan. Qylmystyq is júrgizý kodeksiniń 201-baby 1-bóligi boıynsha sotqa deıingi tergep-tekserýdiń ózge derekteri jarııa etilmeıdi», - dep habarlady vedomstvo ókilderi.

Esterińizge sala ketsek, osyǵan deıin Shyǵys Qazaqstanda muzǵa qulaǵan balyqshynyń kóz jumǵanyn habarlaǵan edik.