Semeıde kópirden sekirgen 60 jastaǵy áıel qutqaryldy
NUR-SULTAN. QazAqparat - ShQO-da tártip saqshysy 60 jastaǵy áıel adamdy Ertisten alyp shyqty, dep habarlaıdy Altaınıýs.
Oqıǵa Semeı qalasynda boldy. Kópirden sýǵa sekirgen qala turǵyny óz-ózine qol salmaq bolǵan degen boljam bar.
Áıel adamnyń Ertistegi eski avtomobıl kópirinen sekirip ketkeni týraly habar polıtsııaǵa túse salysymen patrýldik polıtseılerge birden aqparat taratylady. Kópirge jaqyn mańda kishi leıtenant Aslan Begádilov bolǵan. Ol jaǵalaýǵa jete bere, sýǵa sekirip, áıeldi jaǵaǵa alyp shyǵady.
60 jastaǵy qala turǵyny qazir aýrýhanada jatyr.
