Semeıde kómir baǵasy baqylaýǵa alyndy
SEMEI. QazAqparat - Semeıde kómir baǵasy 1 qańtarǵa deıin qymbattamaıdy. Bul týraly qala ákimi Ermak Sálimov «Qarajyra» AQ qyzmetkerlerimen kezdesýinde málimdedi, dep habarlaıdy QazAqparat.
Semeıde bıyl qatty otynnyń baǵasy ózgermeıdi. Qazir «Qarajyra» ken ornynan tonnasy 6200 teńgeden bosatylyp jatyr. Semeıde 7400 teńgeden satylýda. Al qoımadaǵy kómir qory jetkilikti. Sondyqtan bıyl aımaq turǵyndary qatty otyn tapshylyǵyn sezinbeıdi. Kennen 2017 jyly 7 mln tonna kómir óndirilse, bıyl 8 mln-ǵa artyp otyr. Sondyqtan qazir qosymsha tehnıkalar satyp alý úshin jyl basynan beri 9 mlrd teńge shamasynda ınvestıtsııa salynǵan eken. Degenmen másele de joq emes. Onyń biri otyn jetkizetin vagondar, ekinshisi - alypsatarlar máselesi. Búginde vagon tapshylyǵynan ken orny kómirdi dittegen jerlerge jetkize almaı otyr. Alaıda qala basshysy Ermak Sálimov atalǵan másele taıaýda sheshiletinin jetkizdi. Al alypsatarlarmen kúresti kúsheıtý maqsatynda aranaıy joba ázirlenýde.
«Kómir baǵasy jyl sońyna deıin turaqty bolady. Bul kelisilgen. Al kómir mólsheri jetkilikti. Tek sońǵy 2 aıda vagondardyń jetispeýshiliginen jospardan keshigip jatyrmyz. Biraq bul másele jaqyn kúnderi sheshimin tapsa, alǵa qoıǵan josparymyzdy oryndaımyz dep oılaımyn»,- dedi «Qarajyra» AQ dırektory Marǵulan Mákishev.
