Semeıde kolledj túlekteri úshin bos oryndar jármeńkesi ótkizildi
SEMEI. QazAqparat - Semeıde "Serpin-2050" baǵdarlamasy boıynsha oqıtyn kolledj túlekterin jumyspen qamtamasyz etý maqsatynda bos oryndar jármeńkesi ótti, dep habarlaıdy QazAqparat Semeı aqparattyq ortalyǵyna silteme jasap.
Nətıjesinde 60 túlekpen úsh jaqty kelisimge qol qoıyldy.
Búginde atalmysh baǵdarlama boıynsha Shyǵys Qazaqstan oblysynyń tehnıkalyq jáne kásiptik bilim beretin 10 oqý ornynda 507 stýdent bilim alady. Jármeńke barysynda qurylys, kólik jáne "InnovativeCollege" oqý oryndarynyń 60 túlegimen úsh jaqty kelisimge qol qoıyldy. Bıyl oblys boıynsha 208 túlek "Serpin - 2050" baǵdarlamasy boıynsha oqý oryndaryn aıaqtaıdy. 
"Túlekter jumysqa ornalasyp, bizdiń óńirde jumys isteıtin bolady. Zaısan aýdanyndaǵy kompanııalardyń biri kolledjderdiń 5-7 túlegin jumysqa qabyldaýǵa daıyn ekendigin aıtty. Jas mamandar óńirdegi jol qurylysymen aınalysady. Merdiger kompanııa túlekterdi turǵyn úımen jáne tamaqpen qamtamasyz etedi",- dedi" Semeı qurylys kolledjiniń dırektory Qaırat Tastekeev.
Sondaı-aq serpinshiler "Eńbek" dep atalatyn "2017-2021 jyldarǵa arnalǵan Nátıjeli jumyspen qamtý jáne jappaı kásipkerlik" baǵdarlamasyna qatysa alady.
Osy arqyly memleketten kóshýge jáne turǵyn úıdi jalǵa alýǵa sýbsıdııa túrinde kómek ala alady.
Aıta keteıik, "Serpin-2050" memlekettik baǵdarlamasy Qazaqstanda 2014 jyly iske qosylǵan bolatyn. Ol elimizdiń ońtústigindegi jastardy kadrlar tapshylyǵy baıqalyp otyrǵan óńirlerde oqytýǵa jáne jumysqa ornalastyrýǵa kómektesedi.
