Semeıde kólik qozǵalysyna birneshe kúnge shekteý engizildi

SEMEI. KAZINFORM — Semeı qalasynda 24-28 qarasha kúnderi aralyǵynda kólik qozǵalysyna shekteý engizildi, dep habarlaıdy, Abaı oblysynyń polıtsııa departamenti.

«Semeı qalasynyń Polıtsııa basqarmasy 24-28 qarasha aralyǵynda, keshki saǵat 22:00-den tańǵy 06:00-ge deıin eski kópirde káriz qubyrlaryn aýystyrý jumystary júrgizilýine baılanysty kólik qozǵalysy ýaqytsha shekteletinin habarlaıdy», delingen oblystyq PD resmı habarlamasynda.

Osyǵan oraı jergilikti departament semeılikterden týyndaıtyn qolaısyzdyqtarǵa túsinistikpen qarap, júrý baǵyttaryn aldyn ala josparlap alýdy suraıdy.

Eske sala ketsek, buǵan deıin Semeıde qoǵamdyq keńistikter men saıabaqtardyń sany artyp kele jatqanyn jazdyq.