Semeıde kólik qaǵyp ketken zeınetker kóz jumdy

SEMEI. KAZINFORM – Semeı qalasynda kólik qaǵyp ketken 77 jastaǵy keıýana kóz jumdy.

Oblystyq Polıtsııa departamentiniń málimetine súıensek, «Volkswagen Vento» markaly avtokólik júrgizýshisi Sátbaev kóshesindegi rettelmegen jaıaý júrginshiler ótkelinde 77 jastaǵy keıýanany qaǵyp ketken.

- Jedel járdem kelgenge deıin jaıaý júrginshi oqıǵa ornynda qaza boldy. Qazirgi ýaqytta atalǵan fakti boıynsha sotqa deıingi tergeý bastaldy, - delingen aqparatta.

Osy rette, polıtsııa qyzmetkerleri kólik júrgizýshilerin jyldamdyqty asyrmaı, jaıaý júrginshiler ótkelderinde barynsha muqııat bolý qajettigin eskertti.

Eske salsaq, osyǵan deıin Jambyl oblysynda shóp astynan 100 keli marıhýana tabylǵany habarlanǵan.