Semeıde kólikpen áıel men eki balany qaǵyp ketken jasóspirim ustaldy
ShQO Polıtsııa departamenti baspasóz qyzmetiniń málimetine súıensek, jol-kólik oqıǵasy 10 qarasha kúni saǵat 18.00 shamasynda bolǵan.
«Morozov-Shevchenko kósheleriniń qıylysynda áıel men onyń 2 jáne 3 jastaǵy balalaryn qaǵyp ketken júrgizýshi oqıǵa ornyna iz sýytqan. Jedel-izdestirý sharalary barysynda polıtseıler kúdiktini tapty. Ol «VAZ 2113» kóligin tizgindegen 16 jastaǵy jasóspirim bolyp shyqty», - delingen aqparatta.
Qazirgi ýaqytta oǵan qatysty QR Qylmystyq Kodeksiniń 345-baby 2-bóligine (abaısyzda adam densaýlyǵyna aýyr zııan keltirgen jol qozǵalysy erejelerin buzý) sáıkes sotqa deıingi tergeý amaldary bastaldy.
Esterińizge sala ketsek, osyǵan deıin Semeıde áıel men onyń eki balasyn qaǵyp ketken kólik júrgizýshisiniń izdestirilip jatqandyǵyn habarlaǵan edik. https://kaz.inform.kz/news/semeyde-ayel-men-onyn-eki-balasyn-kagyp-ketken-kolik-zhurgizushisi-izdestirilude_a3860667
Talǵatjan Muhametbekuly