Semeıde kólikke qystyrylyp qalǵan áıel qutqaryldy
SEMEI. QazAqparat – Semeı qalasynda kólikke qystyrylyp qalǵan áıel qutqaryldy, dep habarlaıdy QazAqparat tilshisi.
ShQO Tótenshe jaǵdaılar baspasóz qyzmetiniń málimetine súıensek, 30 qańtarda Semeıdegi Selevın-Boztaev kósheleriniń qıylysynda «Hıýndaı» jáne «Taıota Karına» avtokólikteri soqtyǵysqan.
- Jol apaty saldarynan kólikterdiń biriniń ishinde áıel adam qystyrylyp qalǵan. Okıǵa ornyna kelip jetken jedel-qutqarý jasaǵynyń qyzmetkerleri gıdravlıkalyq quraldyń kómegimen 50 jastaǵy jolaýshyny alyp shyqty. Sodan soń áıel jedel járdem dárigerlerine tapsyryldy, - dep habarlady vedomstvo ókilderi.
Osy rette, qutqarýshylar qandaı da bir qıyn jaǵdaıǵa tap bolǵan óńir jurtshylyǵyna «112» nómirine habarlasý qajettigin eskertedi.
