Semeıde kólik turǵyn úıge soǵyldy
SEMEI. QazAqparat – Semeı qalasynda kólik jeke turǵyn úıge soǵyldy, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, jol-kólik oqıǵasy Semeıde 12 sáýir kúni túngi saǵat 02.00-de boldy. Anyqtalǵandaı, er adam ishimdik iship alyp, kólik tizgindegen.
«39 jastaǵy shahar turǵyny rýldi basqara almaı qalyp, Chaıkovskıı kóshesindegi jeke turǵyn úıge soǵylǵan. Oqıǵa ornyna birden polıtsııa qyzmetkerleri attandy. Zardap shekken eshkim joq», - dep habarlady vedomstvo ókilderi.
Kólik júrgizýshisi QR ÁQBtK-niń 608-baby boıynsha ákimshilik jaýapkershilikke tartyldy.
