Semeıde kólik temir qorshaýǵa soǵylyp, 1 adam mert boldy
SEMEI. QazAqparat – Semeı qalasynda kólik temir qorshaýǵa soǵylyp, 1 jolaýshy oqıǵa ornynda kóz jumdy, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, 3 qarasha kúni saǵat 07:00 shamasynda «VAZ 21114» avtokóliginiń júrgizýshisi Táńirbergen-Narodnaıa kóshelerindegi aınalma joldan aspaly kópirge qaraı kele jatqan. Kenet rýlge ıe bola almaı qalyp, temir qorshaýǵa soǵylady. Jol-kólik oqıǵasynyń saldarynan 41 jastaǵy jolaýshy sol jerde mert bolǵan. Al kólik júrgizýshi birden izin sýytqan.
«Jedel izdestirý sharalarynyń nátıjesinde er adam Bobrovka qalasynyń mańynda ustaldy. Atalǵan fakti boıynsha QR Qylmystyq kodeksiniń 345-baby, 3-bóligimen jáne 347-babymen sotqa deıingi tergeý bastaldy», - dedi ShQO PD bastyǵy Saǵat Mádıev.
Qazirgi ýaqytta júrgizýshi ýaqytsha ustaý ızolıatoryna qamaýǵa alynǵan. Birqatar sot-medıtsınalyq saraptamalar taǵaıyndaldy. Sonyń nátıjeleri boıynsha protsessýaldyq sheshim qabyldanady.
