Semeıde kólik qaqqan 9 jasar bala mert boldy
SEMEI. QazAqparat – Semeı qalasynda kólik qaqqan 9 jasar bala kóz jumdy, dep habarlaıdy QazAqparat tilshisi.
ShQO polıtsııa departamenti baspasóz qyzmetiniń málimetine súıensek, jol-kólik oqıǵasy keshe Ozerkı aýyly men Shyǵys kentiniń aralyǵyndaǵy tasjolda bolǵan.
«Volkswagen» markaly avtokólikti tizgindegen 21 jastaǵy júrgizýshi joldan ótip bara jatqan balany qaǵyp ketti.
«9 jasar bala sol jerde kóz jumdy. Qazirgi ýaqytta atalǵan fakti boıynsha Qazaqstan Respýblıkasy Qylmystyq Kodeksiniń 345-baby 3-bóligine (Kólik basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy saldarynan abaısyzda adam ólimine ákep soǵýy) sáıkes sotqa deıingi tergeý amaldary bastaldy», - dep habarlady vedomstvo ókilderi.
Kólik júrgizýshisi ýaqytsha ustaý ızolıatoryna qamaýǵa alynǵan.
