Semeıde kólik qaqqan 63 jastaǵy zeınetker kóz jumdy
SEMEI. QazAqparat – Semeı qalasynda kólik qaqqan 63 jastaǵy zeınetker áıel qaza boldy, dep habarlaıdy QazAqparat tilshisi.
Qalalyq polıtsııa basqarmasy baspasóz qyzmetiniń málimetine súıensek, jol-kólik oqıǵasy keshe túnde Shákárim dańǵylynda bolǵan.
«VAZ 21103» avtokóliginiń 24 jastaǵy júrgizýshisi ruqsat etilmegen jerden ótip bara jatqan zeınetkerdi qaǵyp ketti.
«Aýyr dárejedegi dene jaraqatyn alǵan 63 jastaǵy jábirlenýshi oqıǵa ornynda kóz jumǵan», - dep habarlady vedomstvo ókilderi.
Qazirgi ýaqytta atalǵan fakti boıynsha QR Qylmystyq kodeksiniń 345-babyna sáıkes sotqa deıingi tergeý amaldary bastaldy.
Birqatar sot-medıtsınalyq saraptamalar taǵaıyndalǵan.
