Semeıde qolaısyz aýa raıyna baılanysty mektepter men kolledjderde sabaq bolmaıdy
SEMEI. QazAqparat – Semeıde qolaısyz aýa raıyna baılanysty mektepter men kolledjderde sabaq bolmaıdy dep habarlaıdy QazAqparat Shyǵys Qazaqstan oblystyq TJ departamentine silteme jasap.
«Oblystyq bilim basqarmasynyń málimetinshe, 18 qańtarda Semeıde jeldiń uıytqýy – 18 m/s. Osyǵan baılanysty 1-aýysymda oqıtyn 1-11 synyp oqýshylary men kolledjdiń 1-2-kýrs stýdentterine sabaq bolmaıdy», - dep túsindirdi ShQO TJD-da.
Budan bólek «Qazavtojol» JShS ShQO fılıalynyń habarlaýynsha 18 qańtarda saǵat 07:15-ten bastap aýa raıynyń nasharlaýyna (qar, boran, jol kórinisiniń shektelýi) baılanysty respýblıkalyq mańyzy bar «Óskemen-Rıdder-Reseı shekarasy) avtojol ýchaskesinde barlyq kólik túrleri úshin qozǵalys shekteldi.
Sondaı-aq TJ departamentinde saǵat 09:00-den bastap jol kórinisiniń nasharlaýynan barlyq kólik túrleri úshin oblystyq mańyzy bar «Óskemen- Gornaıa Ýlbınka-Severnoe» trassasynda jol jabyq ekenin atap ótti.
