Semeıde qoqys shyǵarý tarıfi ósýi múmkin

SEMEI. QazAqparat – Semeı qalasynda qoqys shyǵarý tarıfi ósýi múmkin, dep habarlaıdy QazAqparat tilshisi.

Shahar ákimdigi «Semeı qalasy boıynsha halyqqa qatty turmystyq qaldyqtardy jınaý, tasymaldaý, suryptaý jáne kómý tarıfterin bekitý týraly» máslıhat sheshiminiń jobasyn tanystyrdy.

Atalmysh jobada bir turǵynǵa shaqqandaǵy tarıf mólsheri qosylǵan qun salyǵynsyz usynylǵan. Qujat Instagram jelisindegi ákimdiktiń resmı paraqshasynda jarııalandy.

«Abattandyrylǵan jer úıde nemese páterde turatyn azamat úshin qoqys shyǵarý tarıfi – 475,14 teńgeni quraıdy. Al abattandyrylmaǵan úı turǵyny – 553,22 teńge tóleıdi», - delingen jobada.

Aıta keteıik, qazirgi ýaqytta Semeıde qoqys shyǵarý tarıfi – 190 teńge.