Semeıde kóktaıǵaqtan 30-dan astam adam zardap shekti
SEMEI. QazAqparat – Semeı qalasynda kóktaıǵaqtan 30-dan astam adam zardap shekti, dep habarlaıdy QazAqparat tilshisi.
23 qarashada Semeıde jańbyr jaýdy. Al búgin shahar kóshelerin kók muz basqan. Osyǵan baılanysty birinshi jáne ekinshi aýysymdaǵy 0-9 synyp oqýshylary mektepke barmaı, sabaqty onlaın oqydy.
ShQO Densaýlyq saqtaý basqarmasy baspasóz qyzmetiniń málimetine súıensek, tańerteńnen beri kóktaıǵaqtan zardap shekken turǵyndar medıtsınalyq mekemelerge júginýde.
«Birneshe saǵat ishinde dárigerler jaraqat alyp, aıaq-qoly kógergen 33 adamǵa kómek kórsetti. Kóktaıǵaq kezinde azamattardyń barynsha abaı bolǵany jón», - delingen aqparatta.
