Semeıde kóktaıǵaq: Ekinshi aýysym oqýshylaryna sabaq ótkizilmeıdi
SEMEI. QazAqparat – Semeı qalasynda ekinshi aýysymdaǵy 1-9 synyp oqýshylaryna sabaq ótkizilmeıdi, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, 19 aqpanda kóktaıǵaqqa baılanysty Semeı qalasynda ekinshi aýysymda oqıtyn 1-9 synyp oqýshylary, Besqaraǵaı aýdanyndaǵy 1-5 synyp oqýshylary sabaqqa barmaıdy.
Esterińizge sala ketsek, osyǵan deıin Shyǵys Qazaqtanda aýa raıynyń nasharlaýyna baılanysty birqatar tasjoldyń jabylǵandyǵyn habarlaǵan bolatynbyz.
«Qazgıdromet» RMK málimetinshe, 20 aqpanda Shyǵys Qazaqstan oblysynda qar jaýady. Al óńirdiń keı jerlerinde qalyń qar túspek. Burqasyn, kóktaıǵaq bolýy yqtımal.
«Ońtústik-batystan soqqan jel soltústik-shyǵysqa aýysyp, ekpini sekýndyna 25-28 metrge deıin jetedi. Aýa temperatýrasy -2-7 gradýstan -15-20-ǵa deıin tómendemek. Keıbir aýdandarda 20-25 gradýsqa deıin aıaz bolady», - delingen habarlamada.
