Semeıde kókónister men irimshik qymbattady

SEMEI. QazAqparat – Semeı qalasynda kókónister men irimshik qymbattady, dep habarlaıdy QazAqparat tilshisi.

Ótken aptada áleýmettik mańyzdy azyq-túlik taýarlarynyń quny 0,8%-ǵa artqan. Onyń ishinde kókónister men irimshik qymbattady.

Bul týraly aımaqtyq kommýnıkatsııalar qyzmetinde ótken baspasóz máslıhatynda qalalyq kásipkerlik bólimi basshysynyń mindetin atqarýshy Jánibek Muqataev aıtyp berdi.

«Semeıde prokýratýramen birlesip áleýmettik mańyzy bar azyq-túliktiń baǵasyna monıtorıng júrgizilýde. Kóterme saýda kásiporyndarynyń basshylaryna zańnama talaptary túsindirilip jatyr. Jyl basynan beri 36 aýylsharýashylyq jármeńkesi ótti. Jalpy somasy 602,4 mln teńgeniń ónimderi satyldy», - dedi ol.

Onyń aıtýynsha, shaharda «Ertis» AQ-nyń 13 saýda pavılony jáne turaqtandyrý qorynyń ónimderin satatyn 19 dúken jumys istep tur.

Esterińizge sala ketsek, osyǵan deıin Óskemendegi 3 myń dúkenniń tek 30-ynda ǵana baǵa baqylanǵany habarlanǵan bolatyn.