Semeıde qoǵamdyq kólikterge qoıylatyn talap kúsheıtilmek
ÓSKEMEN. QazAqparat - Semeıde qoǵamdyq kólikterge talap kúsheıtiledi, dep habarlaıdy «QazAqparat» HAA tilshisi.
Semeıdegi 50 baǵyttaǵy avtobýstarǵa 7 tasymaldaýshy jumyldyrylǵan.
Jolaýshylar tasymalynda ereje buzǵandar budan bylaı jumystan shettetilip, olardyń ornyna basqa uıymdar jumysqa tartylady.
«Qazir biz avtobýs qozǵalysynyń jıiligin saqtamaǵan tasymaldaýshylardy baǵyttan alyp tastaı alamyz. Eger 70%-dan kem bolsa, sot arqyly alynady. Mundaı mysaldardy № 8 jáne № 10 baǵyttary boıynsha baıqaı alasyzdar. Baǵyttardy basqa tasymaldaýshylarǵa berdik. Ereje buzýshylardyń ornyna basqa uıymdar qyzmet kórsetýge kiristi», - dedi Semeı qalasy jolaýshylar tasymaly basqarmasy ortalyǵynyń dırektory Beısenǵazy Tastekeev.
Qalalyq jolaýshylar tasymaly basqarmasy ortalyǵyna arnaıy qurylǵylar ornatyldy. GPS-jelisimen 400-ge jýyq qoǵamdyq kólik qamtylǵan. Ol qalalyq avtobýstardyń ornalasqan jerin, baǵytyn, memlekettik nomerin, jyldamdyǵy men qozǵalys jıiligin dál anyqtaýǵa múmkindik beredi.
