Semeıde qoǵamdyq kólikterde úsh adamnyń uıaly telefonyn jymqyrǵan ury ustaldy
ASTANA. QazAqparat - Semeı qalasynyń tártip saqshylary qoǵamdyq kóliktegi adamdardyń qaltasynan uıaly telefonyn jymqyryp ketip júrgen uryny qolǵa túsirdi, dep habarlaıdy «QazAqparat» HAA tilshisi ShQO ІІD baspasóz qyzmetine silteme jasap.
Vedomstvonyń habarlaýynsha, qazirgi ýaqytta ustalǵan kúdiktiniń úsh qylmystyq iske qatysy bary anyqtalyp otyr.
«30 qarasha kúni qalalyq №11 avtobýsta ol 17 jastaǵy stýdent qyzdyń qaltasynan quny 80 myń teńgelik uıaly telefondy jymqyryp ketken. Budan keıin 9 jeltoqsan kúni dál osyndaı jolmen №20 avtobýsta 25 jastaǵy jboıjetkenniń 50 myń teńgelik uıaly telefonyn qoldy qylǵan. Arada bir kún ótkennen keıin dál sol adam taǵy bir egdeleý kisiniń 40 myń teńgelik telefonyn olja etken. Tintý barysynda kúdiktiden urlanǵan úsh telefon tabyldy», - dep habarlaıdy ShQO ІІD baspasóz qyzmetinen.
Kúdikti qazir ýaqytsha oqshaýlaǵyshqa qamalyp otyr. Ol QR QK-niń 188-baby boıynsha qylmystyq jaýapkershilikke tartylǵan. Kúdiktiniń budan basqa qylmystarǵa qatysy bar-joǵy anyqtalý ústinde.
